էներգետիկ անվտանգության և տարածաշրջանային համագործակցության մրցույթ Հայաստանի, Ադրբեջանի, և Վրաստանի երիտասարդ հետազոտողների համար
«Համաշխարհային փորձը Վրաստանի համար» (WEG) անկախ վերլուծական կենտրոնը՝ հիմնված Թբիլիսիում, և Հայաստանի ամերիկյան համալսարանի (ՀԱՀ) Յակոբեան բնապահպանական կենտրոնը հրավիրում են Հայաստանի երիտասարդ հետազոտողներին դիմելու և ներկայացնելու հայեցակարգային առաջարկ՝ նվիրված Հարավային Կովկասում էներգետիկ անվտանգությանը և տարածաշրջանային համագործակցությանը:
Նմանատիպ ընտրության գործընթաց է ընթանում Վրաստանում և Ադրբեջանում։ Ընտրված հետազոտողները կաշխատեն մենթորների հետ՝ մշակելու քաղաքականության փաստաթուղթ, որը կներկայացվի 2025 թվականի մարտի սկզբին Թբիլիսիում կայանալիք տարածաշրջանային համաժողովում: Քաղաքականության փաստաթուղթը պետք է կենտրոնանա էներգետիկ անվտանգության ոլորտում տարածաշրջանային համագործակցության ընդլայնման վրա և տրամադրի տարածաշրջանի մարտահրավերների և հնարավորությունների խորը վերլուծություն:
Նախաձեռնությունը ֆինանսավորվում է Միավորված ազգերի կազմակերպության զարգացման ծրագրի (ՄԱԶԾ) միջոցով՝ Եվրոպական միության կողմից:
Մրցույթի մանրամասները.
Փուլ 1. Աշխատանքային հանդիպում
Կանցկացվի աշխատանքային հանդիպում, որտեղ փորձագետները կներկայացնեն Հարավային Կովկասի ներկայիս էներգետիկ անվտանգության ոլորտի ընդհանուր պատկերը: Մասնակիցները կստանան պատկերացումներ տարածաշրջանային մարտահրավերների և հնարավորությունների մասին, որոնք կապված կլինեն իրենց հետազոտական առաջարկների հետ:
Փուլ 2. Հայեցակարգային առաջարկի ներկայացում
Աշխատանքային հանդիպումից հետո մասնակիցները կներկայացնեն հայեցակարգային առաջարկներ՝ ուրվագծելով իրենց առաջարկած հետազոտական թեմաները:
Հանձնաժողովը կուսումնասիրի այս ներկայացումները, և երեք հետազոտող (յուրաքանչյուր երկրից մեկը) կընտրվի՝ չորս ամսվա ընթացքում մենթորի հետ աշխատելով քաղաքականության փաստաթուղթ մշակելու համար:
Եզրափակիչ փուլի համար ընտրված յուրաքանչյուր հետազոտող կստանա $850 կրթաթոշակ:
Մասնակցության համապատասխանություն
Դիմելու իրավունք ունեն մինչև 35 տարեկան երիտասարդ հետազոտողները Հայաստանից, Ադրբեջանից, և Վրաստանից:
Դիմումի ընթացակարգը.
Փուլ I.
Լրացնել առցանց հայտադիմումը (հղում). ձևաթուղթը լրացնելուց հետո Դուք կհրավիրվեք մասնակցելու աշխատաժողովին: Խնդրում ենք նկատի ունենալ, որ 2024 թ․-ի դեկտեմբերի 4-ի կայանալիք աշխատաժողովին մասնակցելու համար անհրաժեշտ է գրանցվել մինչև դեկտեմբերի 3-ը:
Մասնակցել տարածաշրջանային էներգետիկ անվտանգության միտումներին նվիրված աշխատաժողովին, որը կանցկացվի առանձին Վրաստանում, Հայաստանում և Ադրբեջանում յուրաքանչյուր համապատասխան երկրի մասնակիցների համար՝ (մանրամասները կուղարկվեն գրանցված թեկնածուներին): Մասնակցությունն այս հանդիպմանը խրախուսվում է, բայց պարտադիր չէ։
Փուլ II:
- Ներկայացնել հետազոտության հայեցակարգի առաջարկ (1-2 էջ):
- Ներկայացնել ինքնակենսագրական (CV) անգլերեն լեզվով
- Բոլոր փաստաթղթերը պետք է ուղարկել [email protected] էլ․ հասցեով
Հայեցակարգային առաջարկը պետք է ներկայացվի անգլերեն լեզվով և հստակ ներառի խնդրի նկարագրություն և մեթոդաբանություն։
Ծանուցում. Կանանց մասնակցությունը խրախուսելու համար նախապատվությունը կտրվի կին դիմորդներին, մյուս բոլոր գործոնները հավասար են:
Գնահատման չափանիշներ
| Չափանիշներ | Առավելագույն գնահատական |
| Համապատասխանություն Ծրագրի նպատակներին
Արդյո՞ք հայեցակարգը անդրադառնում է էներգետիկ անվտանգության հիմնական մարտահրավերներին Հարավային Կովկասում Կանաչ անցման համատեքստում: Որքանո՞վ է այն համապատասխանում Հայաստանի, Ադրբեջանի և Վրաստանի միջև տարածաշրջանային համագործակցությունը խթանելու ծրագրի նպատակին: |
25% |
| Ապացույցներ և հիմնավոր փաստարկներ
Արդյո՞ք հայեցակարգը տալիս է առաջարկվող քաղաքականության ամուր հիմնավորում՝ հիմնված Որքանո՞վ է դա ցույց տալիս ներկա տարածաշրջանային դինամիկայի և պատմական համատեքստի ըմբռնումը: |
25% |
| Օրիգինալություն և նորարարություն
Արդյո՞ք հայեցակարգն առաջարկում է նոր գաղափարներ, մոտեցումներ կամ հեռանկարներ, որոնք կարող են էապես ազդել տարածաշրջանային համագործակցության վրա: |
20% |
| Հստակություն և կենտրոնացում/ուղղվածություն
Արդյո՞ք հայեցակարգը հստակ գրված և լավ կազմակերպված է: Արդյո՞ք այն հստակ ուղղվածություն ունի էներգետիկ անվտանգության և տարածաշրջանային համագործակցության ավելի լայն համատեքստում կոնկրետ խնդրի կամ խնդիրների վրա: Արդյո՞ք հայեցակարգը քերականորեն և ոճական առումով ճշգրիտ է: |
15% |
| Շահակիր կողմերի ներգրավվածություն և ներառականություն
Արդյո՞ք ներածական հատվածում դիտարկվում է Հայաստանի, Ադրբեջանի և Վրաստանի հիմնական շահագրգիռ կողմերի ներգրավվածությունը (կառավարական մարմիններ, քաղաքացիական հասարակություն կամ տարածաշրջանային այլ խաղացողներ) Արդյո՞ք այն նպաստում է տարբեր հեռանկարների ընդգրկմանը: |
15% |
| Ընդհանուր գնահատական: | 100 |
Կարևոր ժամանակացույց
- Դեկտեմբերի 4, 2024․ Հետաքրքրված դիմորդների համար օնլայն հարց ու պատասխանի անցկացում։ Գրանցվել այստեղ հանդիպման հղումը ստանալու համար
- Դեկտեմբերի 15։ Հայեցակարգային առաջարկի ներկայացման վերջնաժամկետ
- Դեկտեմբերի 25։ Լավագույն հայեցակարգային առաջարկի ընտրություն և կրթաթոշակների շնորհում
- Հունվարի 1-փետրվարի 20։ Մենթորություն և քաղաքականության փաստաթղթի մշակում
- Մարտի 10։ Քաղաքականության փաստաթղթերի թարգմանություն տեղական/ազգային լեզուներով և հրապարակում