Հայաստանում վայրի բույսերի կարգավորված հավաքի կառավարում

Ծրագրի գործողությունները և վերջնարդյունքները

1. Շահառուների ցանկի կազմում (բացահայտել պետական, մարզային և տեղական կառավարման, քաղաքացիական հասարակության, ինչպես նաև մասնավոր հատվածի շահառուներին)

2. Վայրի բույսերի հավաքի և մոնիթորինգի մասին ռեսուրսներով լի առցանց հարթակ
Հարթակը ներառում է վայրի բույսերի հավաքի և մոնիտորինգի վերաբերյալ քաղաքական և հետազոտական ռեսուրսներ: Հարթակում ներառված բաժիններն են՝ օրենսդրական և քաղաքական փաստաթղթեր, ուսումնասիրություններ, շահառուների ցանկ, առցանց հարցման արդյունքում ստեղծված ակնկարկներ

3. Հայաստանի Հանրապետության օրենսդրական դաշտի և ինստիտուցիոնալ շրջանակի ուսումնասիրություն

4. Հայաստանում վայրի բույսերի հավաքի և կառավարման վերաբերյալ առկա հետազոտությունների և փորձի ուսումնասիրություն

5. Վայրի բույսերի հավաքի, դրա կանոնակարգման ու կառավարման վերաբերյալ աշխատաժողովի անցկացում բազմաշահառու խմբերի հետ (հաշվի առնելով ներկայիս COVID-19 համավարակը, աշխատաժողովը կանցկացվի 2020թ․, Սեպտեմբերի 16-ին՝ առցանց։ Աշխատաժողովից զատ, կանցկացվի նաև առցանց հարցում, որը հնարավարություն կտա ուսումնասիրել շահառուների կարծիքները):

Աշխատաժողովին մասնակցելու համար խնդրում ենք կապ հաստատել մեզ հետ ace(at)aua.am էլ. հասցեով:

6. Հայաստանում վայրի բույսերի հավաքի կարգավորմանը և կառավարման բարելավմանն ուղղված գործողությունների օրակարգի մշակում (համայնքների ակտիվ մասնակցությամբ)
Հիմնվելով Oրենսդրական դաշտի և ինստիտուցիոնալ շրջանակի, առկա գրականության և հետազոտությունների ուսումնասիրության, ինչպես նաև շահառուների  դիտարկումների վրա, այդ գործունեության նպատակն է.
– Զարգացնել կառավարության կարողությունները (օր.՝ մոնիտորինգ, վճարների հավաքագրում, լիցենզավորում, տվյալների հավաքագրում, տեղական ինքնակառավարման մարմինների կարողությունների զարգացում, ուսուցում և այլն)
– Բարելավել օրենսդրությունը
– Խրախուսել համայնքի ավելի լայն ներգրավվածությունը
– Խրախուսել մասնավոր հատվածի համագործակցությունը
– Բարելավել Հայաստանում վայրի բույսերի հավաքի կարգավորումը և կառավարումը