Տեղական քաղաքային թափոնների կառավարման պլանավորման ուղեցույցներ
Ծրագրի տևողությունը
Ապրիլ, 2020 – Հունվար, 2021
Ծրագրի նկարագրությունը
Հայաստանի Ամերիկյան Համալսարանի (ՀԱՀ) Յակոբեան բնապահպանական կենտրոնը ՀՀ կառավարության հետ համատեղ մեկնարկել է Տեղական մակարդակում քաղաքային թափոնների կառավարման պլանավորման ուղեցույցների նախագիծը, որը ֆինանսավորվում է ՀԱՀ Քաղաքականության զարգացման և հետազոտությունների հիմնադրամի (ՔԶՀՀ) կողմից:
Հայաստանի կառավարության բարեփոխումների ծրագիրը նպատակ ունի ԵՄ – Հայաստան «Համապարփակ և ընդլայնված գործընկերության համաձայնագրի» (ՀԸԳՀ) շրջանակներում հասնել ԵՄ օրենսդրական համապատասխանեցմանը, որն իր հերթին կնպաստի 2030 օրակարգի շրջանակներում կայուն զարգացման նպատակների (ԿԶՆ)՝ Հայաստանի հանձնառությունների կատարմանը:
Ծրագրի կարճաժամկետ ազդեցությունը կլինի կոշտ թափոնների կառավարման ավելի կայուն պլանավորումը համայնքներում՝ ազգային քաղաքականության և ռազմավարության նպատակներին համապատասխան, մինչդեռ երկարաժամկետ ազդեցությունը պլանավորում է համայնքներում զարգացնել կոշտ թափոնների կառավարման կայուն փորձ:
Հարություն Ալպետյան՝ գլխավոր հետազոտող
ՀԱՀ Յակոբեան բնապահպանական կենտրոն
Էլ. հասցե՝ alpetyan[at]aua.am, ace[at]aua.am
Հեռախոս՝ +374 60 612 693
– Միջազգային և տեղական փորձի հետազոտություն (կապված տեղական կոշտ թափոնների կառավարման պլանավորման հետ)
– ՀՀ օրենսդրական և ինստիտուցիոնալ շրջանակի գնահատում (կապված տեղական կոշտ թափոնների կառավարման պլանավորման հետ)
– Բազմաշահագրգիռ կողմերի ներգրավվածություն
– Քաղաքային կոշտ թափոնների կառավարման պլանավորման տեղական ուղեցույցների մշակում
– Քաղաքային կոշտ թափոնների կառավարման պլանավորման տեղական ուղեցույցների մոնիտորինգի պահանջների վերաբերյալ ուղեցույցի մշակում
– Վերապատրաստումը ենթադրում է տեղական իշխանությունների գնահատում՝ նախքան ուղեցույցի կիրառումը
Կոշտ թափոնների տեղական կառավարման պլանավորման ուղեցույց
Ծրագրի հաշվետվություններ
ՀԱՀ Քաղաքականության զարգացման և հետազոտությունների հիմնադրամ (ՀԱՀ)