Menu

Հայաստանում Էներգետիկայի Տրանսֆորմացիայի Ոլորտում Կլիմայական Լուծումների Գիտական Հետազոտությունների Զարգացման Ծրագիր (ԷՏԿԼԳՀԶ)

Ընդհանուր նկարագիր

Հայաստանում էներգետիկայի տրանսֆորմացիայի ոլորտում կլիմայական լուծումների գիտական հետազոտությունների զարգացման ծրագրի տևողությունը 36 ամիս է (2024թ. հունիսից մինչև 2027թ. մայիս) և ֆինանսավորվում է ԵՄ Հորիզոն Եվրոպա ծրագրի կողմից: Հայաստանի Ամերիկյան Համալսարանի (ՀԱՀ) Յակոբեան Բնապահպանական կենտրոնը գլխավորում է ծրագրի կոնսորցիումը, որը ներառում է նաև Հայաստանի, Իռլանդիայի և Իտալիայի ևս վեց գործընկերների։

Ծրագիրը նպատակ ունի նպաստել Հայաստանի գիտահետազոտական ​​կարողությունների զարգացմանը, որը կնպաստի դեպի մաքուր և վերականգնվող էներգիայի անցմանը՝ միաժամանակ զարգացնելով էներգետիկ անվտանգությունը: Ծրագրի նպատակ ունի Հայաստանին Եվրոպական Գիտական Ոլորտում ինտեգրվելու հնարավորություններ​​ ընձեռնել: Այն կապահովի գիտելիքի և լավագույն փորձի փոխանակում և կաջակցի մասնակիցների՝ ԵՄ-ի գիտահետազոտական ​​հաստատությունների և գործընկերների կողմից հատուկ ակադեմիական ցանցերում ներառմանը:

Ծրագիրը կաջակցի գործընկերների միջև գիտական ​​համագործակցությանը՝ ճանաչողական այցեր Իտալիա կամ Իռլանդիա Հայաստանի երիտասարդ հետազոտողների համար, առցանց դասընթացների և հավատարմագրված ծրագրերի մշակում հետազոտողների, ինչպես նաև գիտական ​​ադմինիստրատորների համար, Հայաստանի ներսում կապերի ստեղծում՝ միավորելով տնտեսագետներին, քաղաքական վերլուծաբաններին, տվյալագետներին, բնապահպանության և կլիմայի գիտաշխատողներին և էներգետիկ փորձագետներին․ Եվրոպայկան կապերի ստեղծում, բարձրակարգ լրատվամիջոցներում և գրախոսվող ամսագրերում համատեղ աշխատությունների հրապարակում, Հայաստանում գլոբալ, ակադեմիական կոնֆերանսի կազմակերպում էներգետիկ տրանսֆորմացիայի վերաբերյալ։

Ներկայացրեք Ձեր հարցերը, առաջարկները կամ բողոքները ծրագրի վերաբերյալ

Միացեք STREACS-ի էլ.փոստի ցուցակին՝  նորություններ և թարմացումների համար

Հայաստանի Ամերիկյան համալսարանը (ՀԱՀ), Հայաստանի ազգային պոլիտեխնիկական համալսարանը (ՀԱՊ) և Էներգետիկայի գիտահետազոտական ​​ինստիտուտը (ԷԳԿ) ուրախ են հայտարարել Իտալիայի կամ Իռլանդիայի հետևյալ հաստատություններում կարճաժամկետ գիտական առաքելության (մինչև երկու շաբաթ) համար սկսնակ հետազոտողների հայտերի ընդունելության մասին՝

✈ Maynooth University, Ireland

✈ University of Campania, Italy

✈ University of Genoa, Italy

Այս հնարավորությունը խթանում է գիտական ​​համագործակցությունը, հմտությունների զարգացումը և ակադեմիական կապի ստեղծումը սկսնակ հետազոտողների համար: Առաքելությանն աջակցում է Հայաստանում էներգետիկայի տրանսֆորմացիայի ոլորտում կլիմայական լուծումների գիտական հետազոտությունների զարգացման ծրագրին, որի տևողությունը 3 տարի է և այն ֆինանսավորվում է ԵՄ Հորիզոն Եվրոպա ծրագրի կողմից։ Ծրագիրը ձգտում է ամրապնդել գիտական ​​կապերը Հայաստանի և եվրոպական հետազոտական ​​հաստատությունների միջև և նպաստել հայ հետազոտողների կարողությունների զարգացմանը՝ Հայաստանի էներգետիկ տրանսֆորմացիայի և անվտանգության հարցերին լուծում տալու համար:

Կարդացե’ք ՀԱՀ լրատվական բաժնում STREACS-ի սկսնակ հետազոտողների Իռլանդիա և Իտալիա կատարած գիտական ​​առաքելության մասին հոդվածը։

Մանրամասների համար կարող եք կապ հաստատել՝ գրելով հետևյալ էլ. հասցեին՝  [email protected]:

Աշխատանքային Փաթեթ 1` Ծրագրի Ղեկավարում

Այս ԱՓ-ի նպատակն է համակարգել ծրագրի գործողությունների արդյունավետ և անխափան ղեկավարումը: Ծրագրի կառավարումը և համակարգումը ներառում են ֆինանսական, վարչական և պայմանագրային բաղադրիչների, ներառյալ ռիսկերի հաշվարկումը և կանխումը: Սահմանվել են հստակ կառավարական բաժիններ, որոնք  հիմք են հանդիսանում ծրագրի նպատակների իրականացման համար։

Հիմնական նպատակներն են՝

— Ֆինանսական ադմինիստրատիվ և հաշվետվողական կապեր հաստատել ԵԽ-ի հետ
— Ստեղծել և պահպանել ընդհանուր փոխըմբռնում գործընկերների ներսում՝ խթանելով տեղեկատվության փոխանակումը ծրագրի շրջանակներում
— Վերահսկել ծրագրի իրականացման գործընթացը՝ ըստ ծրագրված աշխատանքային պլանի, ներառյալ արդյունքները և նպատակները
— Ապահովել ծրագրի արդյունքների զեկույցներին համապատասխան բարձրորակ փաստաթղթավորում
— Կազմակերպել կոնսորցիումի հանդիպումներ՝ տրամադրելով զեկույցներ և փաստաթղթեր

Աշխատանքային Փաթեթ 2` Հետազոտական Աշխատանք

Այս ԱՓ-ն կմշակի ՀԱՀ-ի և ՀՀ գործընկերների հետազոտական ​​կարողությունների զարգացման հիմնական մեխանիզմները։

Այն նպատակ ունի՝

— Բարելավել հայ գիտաշխատողների դիրքը միջազգային գիտաշխատողների շրջանում
— ԵՄ և Հայաստանյան համալսարանների և գիտական կենտրոնների միջև հիմնել երկարատև համագործակցություն
— Մշակել ԵՄ – Հայաստան միասնական գիտական ներուժ, որը կիրառելի կլինի նաև ծրագրի ավարտից հետո
— Տրամադրել միջաղգային փորձ Հայաստանի սկսնակ և ավագ գիտաշխատողների համար

Աշխատանքային Փաթեթ 3` Կարողությունների Հիմնում

Այս ԱՓ-ի նպատակն է՝

— Բացահայտել հայ գիտաշխատողների և ղեկավարների կարողությունների բացերը
— Գիտաշխատողների և ղեկավարների համար մշակել նորարարական միկրո հավատարմագրեր և ծրագրեր
— Զարգացնել, կիրառել, ստուգել, և ղեկավարել  միկրո հավատարմագրերը և ծրագրերը

Աշխատանքային Փաթեթ 4` Շահագրգիռ Կողմերի Ներգրավում

Այս ԱՓ-ն կնախագծի ծրագրում ներգրավված շահագրգիռ կողմերի հավաքագրման և ներգրավման ռազմավարությունները։

Այն նպատակ ունի՝

— Ներգրավել հայաստանյան շահագրգիռ կողմերի, ովքեր տարբեր հայացքներ ունեն Էներգետիկայի և կլիմայի անվտանգության թեմայով
— Բարելավել գիտական խմբերի կողմից իրականացվող հետազոտությոան որակը՝  հիմնվելով շահագրիգիռ կողմերի առաջադրած տեսակետները և փորձը
— Բարձրացնել հետազոտական աշխատանքի արդյունքների կիրառումը, քանի որ շահագրգիռ կողմի համար առաջնային է հայտաբերել հիմնական աշխատանքային խնդիրները

Աշխատանքային Փաթեթ 5`  Մասնագիտական գիտաշխատանք

Այս ԱՓ-ն կմշակի Հայաստանի հետազոտական կարողությունները հզորացնելու հիմնական միջոցները, որոնք հիմնված կլինեն հստակ և կիրառելի գիտական աշխատանքների վրա

— Իրականացնել մասնագիտական ​​հետազոտական ​​ծրագիր, որը կկենտրոնանա Հայաստանում էներգետիկ և կլիմայական անվտանգության երկարաժամկետ մարտահրավերների և հնարավորությունների գնահատման վրա
— Հետազոտական ​​ծրագրի արդյունքում ստեղծել քաղաքականության մշակման մեխանիզմներ
— Տրամադրել գործնական մոտեցում ծրագրի մասնակիցների հետազոտական ​​հմտությունների և կարողությունների զարգացման համար
— Տրամադրել գործնական մոտեցում վարչական անձնակազմի ղեկավարման հմտությունները զարգացնելու համար

Աշխատանքային Փաթեթ 6` Հաղորդակցություն, Տարածում, Կիրառում և Կրկնօրինակում

Այս ԱՓ-ն կմշակի միջոցառման փոփոխությունների, արդյունքների և էՏԿԼԳՀԶ-ի գործողությունների արդյունքների ռազմավարությունը, ինչպես նաև կնպաստի Հայաստանում տարբրեր դերակատարների կողմից դրանց շարունակաբար կիրառմանը։

Այն նպատակ ունի՝

— Իրականացնել շահագրգիռ կողմերի ցանցում գիտելիքների տարածում
— ԷՏԿԼԳՀԶ ծրագրի ճանաչողության բարձրացում՝ ծրագրի մեխանիզմները, վերջնարդյունքները հասանելի դարձնելով շահագրգիռ կողմերի ցանցին և ավելի մեծ լսարանին
— Խթանել շահագրգիռ կողմերի ակտիվ ներգրավվածությունը` խրախուսելով նրանց մասնակցությունը ծրագրին և վերջնարդյունքների վերաբերյալ հետադարձ կապ ապահովելով
— Բարձրացնել ծրագրի վերջնարդյունքների ճանաչելիությունը և ազդեցությունը

1․ Հետազոտական աշխատանքի մեթոդաբանություն էնեգետիկայի և կլիմայի անվտանգության հարցում

2․ Հայաստանի գիտաշխատողների և գիտական ղեկավարների պահանջների վերլուծություն

3․ Միկրո ծրագրերի և համակարգերի վերահսկում

4․ Իրականացնել 4 բազմաբովանդակ հետազոտական ծրագրեր էներգետիկայի և կլմիայի անվտանգության թեմայով

5․ Ներգրավման աշխատանքներ, որոնք կնպաստեն էներգետիկայի տրանսֆորմացիայի և անվտանգության հայաստանյան գիտաշխատողների ներգրավմանը Եվրոպայում

6․ Էներգետիկայի և կլիմայի անվտանգության ոլորտում քաղաքանակության մշակում

7․ Էներգետիկայի և Կլիմայի Անվտանգության Միջազգային Գիտական Համաժողով

Մանրամասներին ծանոթանալու համար անցեք հետևյալ հղմամբ:

Հանրային հեռուստատեսության ռեպորտաժը՝ դիտեք այստեղ։
Ֆեյսբուքյան լուսանկարների ալբոմը՝ դիտեք այստեղ։