Թափոնաթոն
Հայաստանի ամերիկյան համալսարանի (ՀԱՀ) Յակոբեան բնապահպանական կենտրոնը, Շվեդիայի կողմից ֆինանսավորվող «Հայաստանում թափոնների կառավարման քաղաքականություն» ծրագրի շրջանակում, 2025 թվականի հուլիսի 13-ից 20-ը իրականացրեց «Թափոնաթոն» երիտասարդական նորարարության շաբաթը։
Այս նախաձեռնությունը միավորել էր ՀՀ տարբեր մարզերից ավելի քան 30 մոտիվացված, ակտիվ և նախաձեռնող երիտասարդների՝ թափոնների կառավարման ոլորտում նորարար լուծումներ գտնելու համար։
Նորարարության և համագործակցության շաբաթ
«Թափոնաթոն»-ը ներառեց փորձագետների կողմից անցկացվող սեմինարներ, մենթորների հետ խորհրդատվական հանդիպումներ և թիմային նախագծերի մշակման ստեղծագործ աշխատանքներ։ Օգտագործելով դիզայն մտածողության, շրջանաձև տնտեսության և կայուն ձեռներեցության սկզբունքները՝ մասնակիցները անդրադարձան թափոնների քանակի նվազեցմանը, սննդային թափոնի կանխարգելմանը և բնապահպանական կրթությանը։
Նախագծերը
- Green Vibes — Դրախտիկ համայնքում վերամշակված նյութերից պատրաստված էկո ցանկապատեր և կանաչ տարածքների ստեղծում
- AshAway — դյուրակիր և նորաձև մոխրամաններ ծխախոտի թափոնների կրճատման նպատակով
- EcoNauts — էկո-թեմատիկ կրթական սեղանի խաղեր երեխաների համար
- Green Vibes — բջջային հավելված, որը կապում է սննդի ավելցուկ ունեցող սննդի կետերին սպառողների հետ
- Eco-Wonders — դպրոցական թղթի վերամշակման մրցույթներ
- Kanach Kensikner — համայնքային կոմպոստացման մոդել՝ գյուղատնտեսական թափոնների կառավարման համար։
«Թափոնաթոն»-ի ֆոտոալբոմը ֆեյսբուքում:
Այլ մանրամասները՝ հոդվածում: