Բնապահպանական կառավարում
ՀԱՀ Յակոբեան բնապահպանական կենտրոնը ակտիվորեն խթանում է քաղաքացիների և շահագրգիռ կողմերի մասնակցությունը բնապահպանական կառավարմանը` որպես բնապահպանական քաղաքականության արդյունքների բարձրացման, ավելի ներգրավված քաղաքացի ունենալու և որոշումների օրինականությունը բարձրացնելու միջոց:
Հաճախ գոյություն ունեցող ենթակառուցվածքների կամ այլ նախագծերի բոլորովին նոր նախաձեռնումը կամ գործարկումը արագ զարգանում են ազգային, տարածաշրջանային կամ համաշխարհային մասշտաբով: Այնուամենայնիվ, տեղական համայնքները՝ ընդարձակ հողատարածքների և/կամ ջրի օգտագործման և այլ պահանջներից ելնելով, կարող են բացասական ազդեցություն կրել: Բնապահպանական պլանավորման մեջ հասարակության մասնակցությունը հնարավորություն է տալիս համայնքներին հետադարձ կապով անդրադառնալ նախագծերի բնապահպանական, սոցիալական և տնտեսական մարտահրավերներին:
ՀԱՀ Յակոբեան բնապահպանական կենտրոնը նպատակ ունի իր բազմաթիվ ծրագրերում ներառել մասնակցային և համագործակցային բնապահպանական կառավարման մոտեցումներ և մեթոդներ՝ նպատակ ունենալով հասկանալ, թե ինչպես են տարբեր շահագրգիռ կողմերը, ինչպիսիք են արդյունաբերության ոլորտը, խորհրդատուները, պետական մարմինները և տեղական համայնքների ներկայացուցիչները, ընկալում նոր կամ գոյություն ունեցող նախաձեռնությունների պլանավորումն ու իրականացումը և դրանց ընկալումների տարբերությունը:
Ավելին, Կենտրոնն առաջարկում է մոտեցումներ, որոնք նպաստում են որոշումների կայացման որակի բարձրացմանը՝ տրամադրելով տեղական պայմանների վերաբերյալ եզակի և լրացուցիչ տեղեկատվություն, աջակցելով համատեղ ու կայուն լուծումների իրականացմանը և անվստահության հետ կապված խնդիրների լուծմանը:
